Komandanti i FSK-së, Gjenerallejtënant Bashkim Jashari ka pritur sot në takim lamtumirës Atasheun e Mbrojtjes së Republikës së Kroacisë, Kolonel Stjepan Domjançiq.
Gjeneral i FSK-së, thuhet se e ka falënderuar atasheun kroat të mbrojtjes për shërbimin e tij, derisa bashkë kanë folur rreth objektivave lidhur me zhvillimin e Forcës, si dhe për rritjen bashkëpunimit të mëtutjeshëm në mes të Forcës se Sigurisë së Kosovës dhe Forcave të Armatosura të Kroacisë.
“Në anën tjetër Kolonel Domjançiq e përgëzoi gjeneral Jasharin për udhëheqjen e proceseve transformuese të FSK-së dhe e falënderoi për thellimin e bashkëpunimit me forcat e armatosura kroate brenda kësaj periudhe”, thotë FSK-ja.
Në fund komandanti Jashari, thotë njoftimi, ka ndarë mirënjohje për kolonelin Domjançiq për kontributin e tij të dhënë në ngritjen, zhvillimin dhe profesionalizmin e FSK-së. /Kosovatimes/
