Kryeministri izraelit Benjamin Netanyahu tha se sot ishte një “ditë shumë e vështirë për popullin e Izraelit”, pasi ushtria konfirmoi se shtatë anëtarë të forcave të armatosura izraelite ishin vrarë në luftimet në jug të Rripit të Gazës.
“Së bashku me të gjithë qytetarët e Izraelit, unë dhe gruaja ime vajtojmë dhe ndiejmë dhimbje për humbjen e shtatë ushtarëve tanë, shpirtrat e tyre u prehtë në paqe, nga Batalioni i Inxhinierisë së Luftimit”, tha Netanyahu në një deklaratë zyrtare. Ai shtoi se populli izraelit “shpreh ngushëllimet e tij të sinqerta familjeve që kanë humbur pasuritë e tyre më të çmuara”.
Çfarë ndodhi?
Siç ishte njoftuar më parë nga ushtria izraelite, një oficer dhe gjashtë ushtarë u vranë dje në qytetin Khan Younis, në jug të Gazës, kur një pajisje shpërthyese e vendosur nën automjetin e tyre shpërtheu dhe shkaktoi zjarr. Një ushtar tjetër u plagos rëndë në një incident të veçantë.
Kujtojmë se ushtria izraelite muajin e kaluar urdhëroi evakuimin e popullsisë nga Khan Younis përpara një “sulmi të paparë”, duke i ridrejtuar civilët drejt al-Mawasa, një zonë bregdetare në perëndim të Gazës, ku u nis një fazë e re e ofensivës ushtarake.
