Shërbimi Meteorologjik Ushtarak bëri të ditur se ditën e martë vendi ynë do të ndikohet nga kushte të qëndrueshme atmosferike për shkak të depërtimit të Anticiklonit të Azoreve shoqëruar me masa ajrore të ngrohta dhe të thata.
Moti parashikohet i kthjellët në të gjithë territorin pa përjashtuar kalime të pakta të vranësirave nga orët e mesditës në relievet malore .
Era do të fryjë me drejtim verilindje – veriperëndim me shpejtësi mesatare 8 m/s, ndërsa në lugina dhe bregdet hera-herës pritet të fitojë shpejtësi 10-12 m/s, shoqëruar me valëzimin në dete të forcës 1-2 ballë.
| QYTETET | Temperaturat në °C | Sigla |
| Shkodër | 19/35 | Diell |
| Kukës | 18/34 | Diell pak re |
| Lezhë | 18/35 | Diell |
| Dibër | 16/32 | Diell pak re |
| Durrës | 18/34 | Diell |
| Tiranë | 21/37 | Diell |
| Elbasan | 20/36 | Diell pak re |
| Berat | 17/36 | Diell |
| Vlorë | 20/35 | Diell |
| Korçë | 15/28 | Diell pak re |
| Gjirokastër | 14/33 | Diell |
| Sarandë | 19/33 | Diell |




