12 persona u vranë në një sulm ndaj një feste në Meksikë, raporton Kronen Zeitung .
Të ftuarit po kërcenin me muzikë live kur personat e armatosur hapën zjarr. Sipas mediave lokale, disa persona u plagosën, përfshirë një fëmijë.
Sulmi ndodhi pardje në qytetin Irapuato, i vendosur në Meksikën qendrore, tha policia. Motivi i sulmit nuk dihet ende.
“Një hetim është duke u zhvilluar”, tha presidentja Claudia Sheinbaum. Festa po mbahej jashtë dhe po transmetohej drejtpërdrejt në Facebook kur personat e armatosur mbërritën dhe hapën zjarr, raportoi gazeta AM.
Në kohën e sulmit, një grup muzikor po luante ndërsa të ftuarit po kërcenin. Në festë kishte edhe fëmijë, dhe sipas raportimeve të medias, të paktën një fëmijë ishte midis të plagosurve.
Irapuato, një qytet me rreth 660,000 banorë, ndodhet afërsisht 330 kilometra në veriperëndim të Ciudad de México, në shtetin e Guanajuato. Rajoni është prekur nga dhuna e shkaktuar nga kartelet e drogës dhe grupe të tjera kriminale për vite me radhë.
