“Nga i more këto ftesa? Të tmerrshme”, “Je një nga njerëzit më të pasur në botë dhe vendos për një ftesë si kjo?”, “Duket sikur është bërë në Paint”, “E pabesueshme”, “Je provë se shija e mirë nuk blihet me para”, janë disa nga komentet në rrjetet sociale.
Foto: ABC News
Të sapomartuarit u kërkuan të ftuarve të mos u blinin dhurata dhe shpjeguan pse e morën këtë vendim.
“Në vend të kësaj, ne po bëjmë donacione në nderin tuaj dhe me mirënjohje për ju që udhëtuat për të festuar me ne në Venecia.
Ata shkruan gjithashtu se ky vend magjik u dha kujtime të paharrueshme.
“Shpresojmë që Venecia do të vazhdojë të frymëzojë brezat që do të vijnë përmes përpjekjeve tona dhe duke na u bashkuar ju”, deklaruan ata.
Dasma e çiftit të famshëm do të zhvillohet më 27 qershor dhe shumë njerëz tashmë e quajnë atë dasmën e vitit. Ata u detyruan të zhvendosnin vendin e dasmës nga qendra e Venedikut pas protestave.
Një grup aktivistësh i quajtur “S’ka Hapësirë për Bezosin” beson se ai nuk ka vend në Venecia dhe se qyteti nuk duhet të bëhet skenë për elitën. Në dasmë do të marrin pjesë shumë emra të famshëm, përfshirë Kim Kardashian, Leonardo DiCaprio, Oprah Winfrey, Eva Longoria, Orlando Bloom etj.
