Ministria e Punëve të Jashtme e Malit të Zi ka dënuar ashpër veprimet e autoriteteve kompetente të Republikës së Serbisë ndaj regjisorit malazez Danilo Marunoviq, i cili u soll për marrje në pyetje pa njoftim paraprak dhe më pas iu urdhërua të largohej nga territori i Serbisë.
Siç thuhet në deklaratën e Ministrisë së Punëve të Jashtme të Malit të Zi, Ambasada e Malit të Zi në Beograd, menjëherë pasi mësoi për këtë incident, kontaktoi Ministrinë e Punëve të Jashtme të Republikës së Serbisë dhe kërkoi një shpjegim urgjent të të gjitha rrethanave në të cilat “u krye ky trajtim i papranueshëm i një qytetari malazez dhe një figure të shquar kulturore”.
Ata gjithashtu deklarojnë se ky trajtim i një artisti malazez, në prag të një eventi publik kulturor të planifikuar, përfaqëson një shkelje të rëndë të parimeve themelore të bashkëpunimit ndërkombëtar dhe shkëmbimit kulturor.
