Sot, rreth orës 15:00, stacioni policor në Shtime ka pranuar një informatë lidhur me posedimin e një arme zjarri nga një person me banim në fshatin Reçak të Shtimes.
Sipas informatave të siguruara, i dyshuari ishte shfaqur në një fotografi duke mbajtur një armë zjarri.
Menjëherë pas pranimit të kësaj informate, njësitet policore kanë ndërmarrë veprimet operative të nevojshme, dhe me urdhër të prokurorit të shtetit, është kryer kontroll në shtëpinë e të dyshuarit.
Gjatë kontrollit nuk është gjetur arma e zjarrit, por janë sekuestruar dy uniforma ushtarake (kamuflazh), tre jelekë taktikë dhe disa pajisje të tjera.
I dyshuari është shoqëruar në stacionin policor në Shtime, ku është intervistuar nga policia hetuese dhe, me vendim të prokurorit, është dërguar në mbajtje për 48 orë.
Rasti është duke u hetuar nga sektori kompetent i hetimeve.
