Një person ka humbur jetën dhe dy të tjerë janë lënduar si pasojë e një vetaksidenti të trafikut, që ka ndodhur në mesnatë në fshatin Treboviq të Pejës. Lajmin e ka konfirmuar policia përmes një komunikate për media. Viktima dhe tё lënduarit janё persona tё mitur.
“Deri te ky vetaksident dyshohet se ka ardhur, deri sa automjeti ishte duke qarkulluar nё rrugën Pejё-Trestenik, me tё arritur nё fshatin Treboviq-Pejё, duke mos ju përshtatur kushteve tё rrugës dhe shpejtёsisё, humb kontrollin mbi automjet dhe godet njё shtyllё tё betonit. Si pasojё e kёtij vetaksidenti njё person ka ndёrruar jetё nё vendin e ngjarjes, vdekjen e tё cilit e ka konstatuar ekipi mjekёsor, ndёsa dy tё lënduarit tjerё janё dёrguar mё autoambulancё nё spitalin rajonal nё Pejё, e mё pas pёr shkak tё natyrёs sё lëndimeve janё dёrguar nё QKUK-Prishtinё”, thuhet në njoftimin e policisë.
Tutje bëhet e ditur se me urdhër të Prokurorit shtetit trupi i pa jetë i viktimës është dërguar në Institutin e Mjekësisë Ligjore në Prishtinë, për obduksion.
Sipas policisë, rasti vazhdon tё hetohet nga hetuesit e aksidenteve të Njesitit Rajonal tё Komunikacionit Rrugor të Drejtorisë Rajonale të Policisë në Pejё.
