Ambasada e Francës në Kosovë ka reaguar lidhur me luftën hibride që po zhvillohet tani kudo në botë, përmes së cilës dezinformata gjen shtegun e depërtimit te njerëzimi.
Përmes një njoftimi për medie, Ambasada franceze në Kosovë ka bërë të ditur se “dezinformata nuk është diçka e re, por rrjetet sociale dhe inteligjenca artificiale e vënë atë nivel tjetër”.
Duke evokuar këngën e Jacques Dutronc-it në vitin 1967, ambasada franceze nënvizon faktin se rrjetet sociale dhe intelegjenca artificale janë ato që e shpien këtë në një nivel tjetër, duke bërë që, përkundër vullnetit që të mos manipulohet, megjithatë njerëzimi nuk di si të mbrohet.
Tutje, Ambasada franceze, përmes disa videove të shkurtra, vë në dije mbrojtjen nga lufta hibride.
Këto video janë realizuar nga platforma e verifikimit të fakteve Hibrid.info https://hibrid.info/ me mbështetje të Ambasadës së Francës në Kosovë dhe janë të lira për përdorim (duke cituar burimin).
Videot do të publikohen duke filluar nga sot në rrjetet sociale të Ambasadës së Francës në Kosovë dhe më pas në ato të Hibrid.info në ditët në vijim.
