Shkruan: Rasim SMAJLAJ
Kjo që po ndodh në Kosovë nuk është më krizë politike – është tallje me popullin. Një vend i tërë mbahet peng nga një grusht deputetësh që kanë marrë votën për ta përfaqësuar popullin, por që kanë vendosur ta përfaqësojnë vetëm veten, egon dhe pazaret e errëta.
Kuvendi nuk po konstituohet. Vendi nuk po qeveriset. Kushtetuta po shkelet përditë. Dhe askush nuk mban përgjegjësi!
Presidentja hesht. Gjykata Kushtetuese rri neutrale, sikur këto zhvillime të ishin diku në ndonjë film fantastiko-shkencor, e jo realitet i hidhur që po e fundos shtetin.
Nuk ka më kohë për pritje e heshtje!
Presidentja duhet menjëherë të nxjerrë DEKRET dhe të shpallë zgjedhjet e jashtëzakonshme!
Kushtetuesja duhet të nxjerrë VENDIM për shkeljet flagrante të 120 deputetëve që e kanë bllokuar funksionimin e institucioneve!
Nëse këto dy institucione nuk e marrin përgjegjësinë e tyre kushtetuese, atëherë nuk ka më zgjidhje. Do të kemi vetëm kaos të institucionalizuar dhe bllokadë që nuk përfaqëson askënd, përveç interesave të një grushti njerëzish që s’e kanë hallin e qytetarit, por të kolltukut. Unë nuk po bëhem parashikues si Burdushi, por as fall nuk duhet për ta parë të vërtetën: ky vend është në kolaps! Prandaj, boll mo me heshtje kriminale! Boll me pazare partiake! Nëse nuk ka zgjidhje nga brenda, atëherë le të vendosë populli! Me votë, me referendum, me zë!
Nga një qytetar i zhgënjyer, por jo i heshtur.
