Një incident i rëndë është raportuar sonte në Prishtinë, ku një person dyshohet se ka rënë nga një ndërtesë.
Në vendin e ngjarjes ndodhen njësitë e Policisë së Kosovës, të cilat kanë rrethuar zonën me shirita të sigurisë dhe janë duke kryer kontrolle në terren.
Edhe Policia e Kosovës e ka konfirmuar lajmin.
“Sot rreth orës 20:30, në lagjen e Spitalit në Prishtinë, një person ka rënë nga lartësia e një ndërtese. Bazuar në informacionet e para nga vendi i ngjarjes, i dyshuari i cili po kërkohej me urdhër-arrest vendor dhe ndërkombëtar, për veprën penale vrasje e rëndë, në përpjekje për t’iu shmangur arrestimit policor, ka rënë nga një lartësi dhe për pasojë ka pësuar lëndime trupore”, thuhet në njoftim.
Të njëjtit menjëherë i është ofruar tretmani mjekësor, për tu transferuar më pas në QKUK.
“Aktualisht policia, në bashkëpunim me akterët e tjerë përkatës, janë duke ndërmarrë të gjitha veprimet e nevojshme për zbardhjen e plotë të rrethanave të ngjarjes”, thuhet në njoftimin e policisë.
