Shkruan: Florim ZEQA
Pas dështimit të 48, do të vjen i 49-ti, i 50-ti dhe kështu më radhë deri në pambarim i kësaj legjislature të Kuvendit të Kosovës! Praktikisht kjo legjislaturë përveq besimit e ka humbur edhe legjitimitetin qytetar!
T’iu merret imuniteti politik 120 depuetëve aktualë
Nga paslufta në vijimësi kemi pasur ngërçe dhe bllokada politike në zgjedhjen e kryeministrit dhe presidentit, por është hera e parë në historinë më të re të Kosovës, kur ngërçi politik ndodhë në fazën e parë të konstituimit të Kuvendit!
Pas çdo ngërçi politik na është dashur ndërhyrja ndërkombëtare për arritjen e “marrëveshjeve” për bashkëqeverisje, por kemi pasur rastin kur edhe ndërhyrja ndërkombëtare ka qenë e pamjaftueshme, siq ishte rasti me zgjedhjen e presidentit, kur ish Ambasadori Amerikan, Christofer Dell na e solli presidenten në zarf!
Tani kur është e pamundur arritja e një konsensuesi politik mes forcave politike në Kuvend, vetëm zarfi ndërkombëtar kryen punë!
Porqë, kësaj radhe zarfi duhet të jetë i përmasave më të mëdha, për shkak se me një emër të vetëm nuk zgjidhet bllokada në Kuvend!
Në zarfin Amerikan duhet të futen 120 emra të rinj për deputet të Kuvendit të Kosovës dhe një vendimin arbitrar për largimin e 120 deputetëve të zgjedhur më 9 shkurt 2025 dhe jo vetëm kaq!
Duhet t’iu merret imuniteti politik 120 deputetëve aktualë dhe t’iu merret e drejta për të kandiduar në zgjedhjet e radhës kurdo që të mbahen ato!
Vetëm kështu mund të ndodhë ndryshimi politik dhe vetëdijësimi i qytetarëve të këtij vendi për mosvotimin e partive ekzistuese, gjë e cila e krijon mundësinë e ngjizjes së Alternativës Demokratike për Ndryshim (ADN), kërkesë kjo e vazhdueshme e imja për t’a kthyer vendin në rrugën e mbarë të politik-bërjes dhe shtetndërtimit.
Vetëm largimi i tërësishëm i kësaj klase politike do të ishte shpëtim për vendin, në të kundërtën, përveq theqafjes politike e rrezikojmë edhe ekzistencën e Republikën e Kosovës shtet të pavarur dhe sovran në hartën gjeopolitike të Evropës.
