Rritja e çmimit do të ndodhë nëse Bashkimi Evropian rrit normën minimale të taksës për 1,000 cigare nga 90 euro në 215 euro, që do të ishte një rritje prej 138.88 përqind. Përveç kësaj, norma e taksës për një kilogram duhan të prerë imët do të rritej nga 60 euro në 215 euro, që do të ishte një rritje prej 91.66 përqind.
Rritja e çmimit mund të jetë edhe më e lartë se sa është deklaruar, sepse Komisioni Evropian synon të zbatojë barazinë e fuqisë blerëse për produktet e duhanit, gjë që do të thoshte çmime edhe më të larta në vendet relativisht të pasura, siç është Gjermania. Mücke e konsideron këtë plotësisht joproporcionale dhe paralajmëroi se kjo mund të rezultojë në një rritje të tregut të zi për produktet e duhanit.
Megjithatë, që propozimi i Komisionit Evropian për rritjen e taksës mbi produktet e duhanit të hyjë në fuqi, ai duhet të pranohet nga shtetet anëtare dhe Parlamenti Evropian. Kritikët e këtij propozimi paralajmërojnë se kjo do t’i bënte produktet e duhanit në tregun e zi më të arritshme për të rinjtë.
Ekspertët e shëndetit në Gjermani e mirëpresin propozimin e Komisionit Evropian, duke e konsideruar atë si masën më efektive për të ndaluar pirjen e duhanit. Siç deklaroi Katrin Schaller nga Qendra Gjermane e Kërkimit të Kancerit (DFKZ), një rritje prej 10 përqind e çmimeve në vendet me të ardhura të larta e ul konsumin e produkteve të duhanit me katër përqind, shkruan tagesschau .
