Ai u quajt me nofkën “princi i fjetur”. Është djali më i madh i Princit Khaled bin Talal Al Saud, i cili e konfirmoi lajmin për vdekjen e tij në rrjetet sociale.
“Me zemra që besojnë në vullnetin dhe vendimin e Allahut dhe me trishtim e pikëllim të thellë, ne vajtojmë humbjen e djalit tonë të dashur, Princit Al-Waleed bin Khaled bin Talal bin Abdulaziz Al Saud. Allahu e mëshiroftë”, shkroi ai.
Al-Waleed po studionte në një akademi ushtarake në Londër kur u përfshi në një aksident të rëndë me makinë. Ai u shtrua në spital në Riad.
Babai i tij kishte shpresuar se ai do të zgjohej një ditë dhe deri më tani kishte refuzuar me vendosmëri sugjerimet e mjekëve për ta hequr nga aparaturat që e mbanin në jetë.
Funerali do të mbahet sot në Xhaminë Imam Turki bin Abdullah në Riad.
