Kryetari i Prishtinës, Përparim Rama, ka thënë se koncerti i djeshëm i Armend Rexhepagiqit, “Dashni e vjetër” ka ndezur shpirtin e gjithë qytetit.
“Armend, ky nuk ishte veç koncert, ti ndeze shpirtin e një qyteti të tërë”, ka shkruar ai në facebook.
Rama më tej ka shkruar se Prishtina përtej qytetit, është ndjenjë dhe melodi që nuk ndalet kurrë.
Armend Rexhepagiqi dje shënoi rikthimin e tij me koncert solistik pas shumë vitesh. Në skenën e Pallatit të Rinisë, kantautori i njohur elektrizoi skenën duke promovuar albumin e tij të ri, “Dashni e Vjetër”. Ai i dha zë edhe këngëve të tij të krijuara ndër vite, të cilat u kënduan një zëri nga publiku i pranishëm. Ajo që u dallua në këtë mbrëmje muzikore qe laramania e moshës së fansave të këngëtarit.
Radiotelevizioni i Kosovës është sponsori medial i koncertit të Armend Rexhepagiqit dhe do ta transmetojë së shpejti si të plotë.
