Në një ambient të bukur në qytetin e Nürnbergut u organizua një aktivitet i përbashkët me nxënësit e mësimit plotësues të gjuhës shqipe të Nürnbergut ,Fürthit , Neumarktit dhe Rothit.
Koordinatori i mësimit plotësues të gjuhës shqipe për Nürnberg dhe rrethinë, z. Selim Hoti ,foli për rëndësinë e këtij misioni të shenjtë për fëmijët tanë të cilët jetojnë në mërgatë.
Një falënderim të përzemërt ju dedikoi mësueseve të nderuara : Lume Daci Hoti në Nürnberg ,Arianita Abdiu në Fürth, Antigona Kelmendi -Neumarkt si dhe Gynete Neziri në Roth dhe të gjitha mësueseve të Lidhjes së Arsimtarëve dhe Prindërve Shqiptar në Bayern (LAPSH ) si dhe kryesinë e nderuat të Lapshit e cila po e bën një punë të shkëlqyer rreth organizimit të hapjes së klasave të reja.
Po ashtu i falënderoi me respekt të veçantë prindërit e pranishëm dhe kërkoi një bashkëpunim të ngushtë që në të ardhmen të kemi një numër më të madh të nxënëseve të cilët duhet që ta ndjekin mësimin në gjuhën e bukur shqipe ,sepse vetëm në këtë mënyrë fëmijët tanë e ruajnë identitetin tonë kombëtar.
Pastaj, z. Selim Hoti citoi një thënie të Sami Frashërit ku thotë: ,,Nëse do të mbjellësh për një vit ,mbjell misër e grurë , nëse do të mbjellësh përgjithmonë, mbjell arsim e kulturë…‘‘.
Në fund u bë shpërndarja e dëftesave nga mësueset e këtyre shkollave, ku më të gëzuarit ishin fëmijët të cilëve ju dhurua edhe nga një dhuratë simbolike nga kryesia e LAPSh-it me kryetar Milazim Ukaj, me rastin e përfundimit të këtij viti shkollor 2024/25.
