Shkruan: Florim ZEQA
Duke u nisur nga fakti që nuk jam subjekt për të parashtruar kërkesë zyrtare për shqyrtim ligjor, këtë po e bëjë si qytetar i vendit dhe si analist që merret seriozisht me zhvillimet politike në vend. Po ju drejtohem me kërkesën personale, si akt qytetar për të ndëshkuar klasën e papërgjegjshme politike në Kuvend.
Kërkesë për drejtësi
Të respektuar gjyqtarë të Gjykatës Kushtetuese, i nderuari
Kryetar i Gjykatës Kushtetuese të Republikës së Kosovës, z. Nexhmi Rexhepi!
Pas bllokadës së gjatë dhe të paprecedent të seancës konstituive të Kuvendit të Kosovës nga 15 Prilli i këtij viti, ju jeni i vetmi organ që mund ta nxirrni vendin nga ngërçi i pakuptimtë në tempullin e demokracisë.
Subjektet politike në Kuvend, përkatësisht 120 deputetët e zgjedhur dhe të certifikuar, për më tepër se 50 herë e penguan krijimin e institucioneve të reja, të dala pas zgjedhjeve parlamentare të 9 shkurtit 2025.
Një situate e tillë në asnjë rrethanë nuk guxon të vazhdojë tutje përtej datës 26 Korrik 2025.
Qytetarët e zhgënjyer me qasjen bllokuese të deputetëve në Kuvend, të vetmen shpresë e mbajnë tek Gjykata Kushtetues, si organi më i lartë ligjor në Republikën e Kosovës.
Duke e parë mungesën e bashkëpunimit mes subjekteve parlamentare dhe mungesën e vullnetit politik për të gjetur zgjidhjen e duhur për dalje nga kriza artificiale e shkaktuar nga vetë ato, ju drejtohem autoritetit tuaj, që të merrni vendimin e duhur në përputhje me kompetencat kushtetuese për të shkarkuar legjislaturën e 9-të të Kuvendit të Kosovës, gjegjësisht për t’ua marrë mandatet 120 deputetëve që më vetëdije u shndërruan në bllokues të shtetit, përkatësisht të institucioneve shtetërore.
Duke e dëgjuar çdo ditë zërin dhe zhgënjimet e qytetarëve, si analist politik dhe qytetar i Republikës së Kosovës, po ju përcjelli kërkesën legjitime për marrjen e imunitetit politik 120 deputetëve dhe ndalimin e përjetshëm të kandidimit për deputet dhe për cilin do post politik në Republikën e Kosovës!
Ky do të ishte vendimi më i drejt dhe më i duhur për ta kthyer vendin kah e mbara dhe për ta kthyer Kosovën në binarë të shëndoshë të politik-bërjes dhe shtetndërtimit.
Zgjedhjet pa një alternative të re politik nuk paraqesin zgjidhje për Kosovën!
Kosova ka nevojë për një fillim të ri për ta kthyer besimin e qytetarëve në institucionet shtetërore.
Shteti ka nevojë për të rinjtë dhe popullatën e saj, që dita-ditës po e braktisin vendlindjen për një jetë më të mirë dhe më të sigurt në shtetet evro-perëndimore!
E nderuara Gjykatë, i respektuari kryetarë Nexhmi Rexhepi, me vendimin e juaj të drejt ligjor, Ju mund ta bëni kthesën e madhe dhe të domosdoshme në Republikën e Kosovës!
Më mirë të largohen 120 deputet kalkulant nga Parlamenti i Kosovës sesa 1 milion e 200 mijë qytetarë nga Kosova!
Ju mund të sillni drejtësi dhe shpresë për qytetarët e Kosovës!
