Gjykata Themelore në Prishtinë, ka shpallur aktgjykimin në çështjen penale ndaj të akuzuarve B.N. dhe D.M. për se në bashkëveprim dhe në vazhdimësi kanë kryer veprën penale Keqpërdorimi i pozitës apo autoritetit zyrtar.
Trupi gjykues në këtë çështje penale konform nenit 363 paragrafi 1 nën paragrafi 1.3 të KPPRK-së, kanë marr aktgjykim lirues ndaj të akuzuarve B.N. dhe D.M., të njëjtit janë liruar nga akuza, pasi nuk është provuar se kanë kryer veprën penale për të cilën janë akuzuar nga Prokuroria Speciale e Republikës së Kosovës.
“Të akuzuarit janë akuzuar nga PSRK-së, se në periudhën kohore nga muaji Shtator 2011 deri në Gusht 2018, në vazhdimësi dhe në cilësinë e personave zyrtarë në Aeroportin Ndërkombëtar të Prishtinës (ANP), më pas Agjencia e Shërbimeve të Navigacionit Ajror (AShNA), të akuzuarit B.N, Kryeshef Ekzekutiv i AShNA dhe D.M., Menaxher i Kontratës për Furnizim me Sisteme të Navigacionit (AIDS) dhe Rilokim të Sistemeve Ekzistuese në AShNA, kanë keqpërdorur detyrën zyrtare duke i mundësuar Operatorit ekonomik (OE) “TCN International” Sh.P.K. nga Tirana, përfitim të kundërligjshëm me rastin e dhënies së kontratës për aktivitetin e prokurimit”, thuhet nw njoftim.
Kurse, e dëmtuara Agjencia e Shërbimeve të Navigacionit Ajror – ASHNA lidhur me kërkesën pasurore juridike udhëzohet në kontest të rregullt civil.
Kundër këtij aktgjykimi është e drejta e ankesës brenda pesëmbëdhjetë ditësh, ankesa bëhet përmes kësaj Gjykate, për Gjykatën e Apelit në Prishtinë.
