Një punëtor ka vdekur dhe një tjetër është lënduar pas rrëzimit të autovinçit në Ferizaj.
Policia e Kosovës, ka njoftuar se incidenti ka ndodhur rreth orës 11:45, teksa dy punëtorët ishin duke kryer punime.
Si pasojë e rrëzimit të mjetit, të dy kanë pësuar lëndime trupore dhe janë dërguar menjëherë për trajtim mjekësor, por njëri prej tyre nuk ka arritur t’u mbijetojë plagëve.
“Me vendim të prokurorit, pas inicimit të rastit, trupi i pajetë i viktimës është liruar për familjarët. Rasti është në hetime”, thuhet në njoftimin e policisë.
