Kompania shtetërore e energjisë ukrainase Naftogaz konfirmoi sot se mori gaz natyror nga Azerbajxhani për herë të parë përmes Korridorit Transballkanik, i cili lidh Bullgarinë, Rumaninë dhe Ukrainën, duke anashkaluar Rusinë.
“Për herë të parë, po zbatohet një furnizim provë i gazit nëpërmjet rrugës Transballkanike, përgjatë korridorit Bullgari-Rumani-Ukrainë”, tha Naftogaz në një deklaratë.
Kompania ukrainase siguroi furnizime me gaz sipas një kontrate me kompaninë shtetërore azerbajxhanase SOCAR.
