Policia e Kryeqytetit ka sekuestruar 73 motoçikleta gjatë periudhës prej 9 deri më 27 korrik 2025, në kuadër të planit “Siguria në trafik”.
Sipas Policisë, aksioni është përqendruar në ngasësit e motoçikletave që kanë mangësi dokumentacioni, regjistrim të skaduar, ose nuk kanë kategorinë përkatëse të lejes së vozitjes.
“Gjithashtu, janë shqiptuar 358 gjoba për shkelje të rregullave të komunikacionit”, thuhet në njoftim.
Policia apelon për respektim të rregullave të qarkullimit, duke theksuar rëndësinë e sigurisë në rrugë, sidomos për drejtuesit e motoçikletave.
