Dhjetëra mijëra banorë marshuan sot në Urën legjendare të Portit në Sydney në mbështetje të Palestinës, Gazës dhe thirrjeve për t’i dhënë fund luftës.
Sipas vlerësimeve të mediave australiane, bëhet fjalë për një shifër prej 90,000 personash që nuk u penguan nga moti me shi në kërkimin e tyre për drejtësi. The Guardian pohon se kishte më shumë se 100,000 të pranishëm, dhe ndoshta edhe më shumë.
Policia tha se numri i njerëzve në marshim ishte “shumë më i lartë” se sa pritej, më saktësisht se ishte rreth 90,000, ndërsa Grupi i Veprimit për Palestinën pretendon se shifra është rreth 300,000 njerëz.
Disa nga të pranishmit në marsh, të cilin organizatorët e quajtën Marshimi për Njerëzimin, mbanin tenxhere dhe tiganë si simbole të urisë në enklavën e rrethuar të Gazës.
Kishte edhe një mysafir surprizë – themeluesi i Wikileaks, Julian Assange. Ai u lirua nga një burg britanik vitin e kaluar dhe sot nuk foli me njerëz, por ishte midis atyre që udhëhoqën marshimin.
“Ecja mbi urë nuk do të na lërë të uritur, por bllokimi i ndihmës i lë të uritur palestinezët. Ne do të mbijetojmë, ata jo”, shkruhej në një nga mesazhet e të pranishmëve.
Australia nuk iu bashkua Francës, Britania e Madhe dhe Kanadaja që njoftuan planet për të njohur shtetin palestinez në shtator. Megjithatë, ky marshim ushtroi qartë presion mbi kryeministrin Anthony Albanes që të mbante një qëndrim më të fortë kundër luftës.
