Një burim uji që ndodhet ndërmjet Suharekës e Ferizajt është bërë pikë bashkëpunimi mes dy komunave. Gurra e Kadisë, e cila shfrytëzohet nga banorët e të dyja anëve, është rehabilituar më një investim prej 50 mijë eurosh nga Komuna e Suharekës.
Kryetari Bali Muharremaj, si dhe homologu i tij, Agim Aliu, dhe shumë qytetarë ishin bashkë në përurimin e këtij projekti, që vlerësohet si model i menaxhimit të përbashkët të resurseve natyrore.
Në kufirin mes Suharekës dhe Ferizajt është përuruar ‘Gurra e Kadisë’, një burim natyror me rëndësi të veçantë për banorët e të dy komunave, që tashmë është rehabilituar falë një investimi prej 50 mijë eurosh nga Komuna e Suharekës.
“Është një projekt investim i komunës vlera është mbi 50 mijë euro është një projekt shumë i mirë këtu vinë qytetarët të Shtimes, Suharekës të Ferizajt marrin ujë vazhdimisht jemi mundu me krijua kushte ma të mira një ambient ma të mirë që me ardhë njerëzit dhe me pushu, kështu që është bërë për të mirën e qytetarëve thonë është sevap me lëshua qesme kështu po thonë”, tha Bali Muharremaj, kryetari Komunës së Suharekës.
Edhe kryetari Komunës së Ferizajt, Agim Veliu, theksoi rëndësinë e bashkëpunimit dhe nevojën që ky projekt të mos jetë i fundit në këtë frymë.
“Nuk buron këtu veç uji, këtu ka buruar edhe liria e këtij vendi, por ky ujë ka vlera të veçanta, ka cilësi të veçantë, prandaj vijnë shumë qytetarë për këtë ujë, që e kanë përmes sistemi të ujësjellësit. Vijnë këtu për të mbushur dhe për të rezervuar ujë edhe vijnë të marrin ujin për gjërat e mira që ky ujë i sjellë”, tha Agim Veliu, kryetari Komunës së Ferizajt.
Ky burim ujor, që prej vitesh shfrytëzohet nga qytetarët, tashmë ka një pamje të re dhe vlerësohet edhe nga banorët e këtushëm, por edhe nga turistët.
“Kjo vlen për shumë katunde. Prej kahmosit vijnë marrin ujë këtu se s’kanë as në atë anë as këtë anë. Bëhen kerret varg t’u pritë me marrë ujë”, tha Ahmet Kololli, banor.
“Kjo është hera ime e parë në Kosovë dhe pikërisht në Suharekë është e mrekullueshme njerëzit janë të mrekullueshëm aq të dashur flasin aq shumë gjuhë të huaja ndihmojnë edhe ky vend këtu është një mrekulli e vërtet”, tha Izabel Morokonicheregheti.
‘Gurra e Kadisë’, jo vetëm që ka rëndësi për ujin e pijshëm, por është pjesë e trashëgimisë natyrore të rajonit.
