Në videon, e cila ka shkaktuar reagime të shumta në rrjetet sociale, dy vajza pozojnë me qetësi dhe repojnë me këngën “Crimson Dawn” nga reperi i famshëm rus Endspill, ndërsa pas tyre shpërthen një zjarr që ka përfshirë një nga depot e karburantit.
Një foto që dyshohet se tregon treshen në paraburgim nga policia u shfaq gjithashtu në internet.
Incidenti ndodhi pasi sulmi ukrainas shkaktoi një shpërthim të fortë dhe zjarr në objektin që ka 41 rezervuarë, me një kapacitet total prej mbi 31,000 metrash kub. Sipas autoriteteve lokale, një rezervuar me rreth 2,000 metra kub karburant u përfshi nga flakët.
Ndërsa arsyet specifike për arrestimin e tyre nuk janë deklaruar zyrtarisht, shumë media dhe komentatorë rusë spekulojnë se arsyeja mund të jetë se videoja e tyre mund të veprojë si një “romantizim” i sulmit ukrainas në territorin rus, të cilin autoritetet e konsiderojnë të papranueshëm.
Ata u kritikuan ashpër nga avokatja e njohur e censurës pro-Kremlinit, Ekaterina Mizulina (40), e cila tha: “Të rinjtë po regjistrojnë përmbajtje ndërsa dronët fluturojnë mbi Soçi. Pyes veten se ku ka shkuar instinkti i vetëmbrojtjes? A nuk e kuptojnë ata se kjo është thjesht e rrezikshme?”
