Gjigandi i energjisë British Petroleum (BP) ka njoftuar se ka zbuluar fushën e saj më të madhe të naftës dhe gazit këtë shekull.
Depozita ndodhet në bregun lindor të Brazilit, ku kjo kompani britanike kryen teste. Është vendi më i madh që nga Shah Deniz në Liqenin Kaspik në vitin 1999.
Zbulimi mund të jetë i rëndësishëm në planet e BP për të rritur prodhimin e naftës bruto. Drejtori ekzekutiv i kësaj kompanie, Gordon Birrell, deklaroi se do të shqyrtonte ndërtimin e një qendre prodhimi në vendndodhjen e përmendur.
BP ka ulur investimet e planifikuara në burimet e energjisë së rinovueshme (BRE) dhe ka njoftuar investime prej disa miliardë dollarësh në vit në eksplorimin dhe shfrytëzimin e naftës dhe gazit, raporton BBC.
