Kryetari i Bashkësisë Islame të Kosovës, Myftiu Naim Tërnava, priti sot në takim lamtumirës Shefen e Misionit të Kombeve të Bashkuara në Kosovë (UNMIK), Caroline Ziadeh.
Gjatë takimit, Myftiu Tërnava falënderoi znj. Ziadeh për bashkëpunimin korrekt dhe kontributin e saj gjatë mandatit në Kosovë, duke theksuar rëndësinë e mbështetjes ndërkombëtare për paqen, stabilitetin dhe zhvillimin demokratik të vendit.
“Nga ana e saj, znj. Ziadeh vlerësoi rolin e Bashkësisë Islame të Kosovës në promovimin e tolerancës ndërfetare dhe bashkëjetesës, duke e konsideruar BIK-un si një partner të rëndësishëm në proceset paqësore dhe ndërtimin e një shoqërie gjithëpërfshirëse. Në fund të takimit, Myftiu Tërnava i uroi znj. Ziadeh suksese në angazhimet e saj të ardhshme”, njofton BIK-u.
