Përmes një postimi në Facebook, Hoti mohoi kategorikisht pretendimet e Kurtit, duke i cilësuar ato si të pavërteta dhe si një tentativë për manipulim të opinionit publik.

“Ndarja e buxhetit për RTK-në në fillim të vitit 2021, kur ende nuk ishte konstituuar Kuvendi, ka qenë plotësisht ligjore. Buxheti i vitit 2021 ka qenë i miratuar. Vendimi i atëhershëm i Qeverisë ka paraparë hapat që duhej të ndiqeshin deri në vendimin e Komisionit Parlamentar për Buxhet dhe Financa”, ka shkruar Hoti.

Sipas tij, vendimi për ndarjen e buxhetit ka ndjekur të gjitha procedurat ligjore të nevojshme, dhe deklarata e Kurtit për të kundërtën është një “tentim për mashtrim të opinionit”.