Policia e Kosovës, përmes Drejtorisë së Policisë së Kryeqytetit, ka realizuar me sukses arrestimin e një personi të dënuar për vepra penale të natyrës së rëndë.
Sipas njoftimit, mbrëmjen e kaluar, njësitet policore kanë arritur të lokalizojnë dhe arrestojnë të kërkuarin:
“B.C, mashkull, 20 vjeç, shtetas i Republikës së Kosovës, i cili ishte dënuar me 2 vite e 6 muaj burgim për veprën penale “Keqpërdorim i fëmijëve në pornografi”. Pas arrestimit, i njëjti është dërguar për të vuajtur dënimin në institucionin përkatës korrektues”, thuhet në njoftim.
Policia e Kryeqytetit thekson se do të vazhdojë me intensitet veprimet për identifikimin dhe kapjen e personave të kërkuar nga drejtësia, në funksion të forcimit të sundimit të ligjit dhe mbrojtjes së qytetarëve.
