Në sheshin “Nëna Terezë” në Prishtinë, Oda Ekonomike e Kosovës sot bën hapjen zyrtare të Panairit të Gruas “Me zemër për Diasporën”.
Ky panair organizohet me qëllim të promovimit të bizneseve vendore të udhëhequra nga gratë, dhe synon të krijojë lidhje më të ngushta ekonomike me mërgatën shqiptare, si dhe të fuqizojë rolin e gruas në zhvillimin ekonomik të vendit.
Ngjarja do të mbledhë dhjetëra biznese të udhëhequra nga gra, të cilat do të prezantojnë produktet dhe shërbimet e tyre për diasporën dhe qytetarët vendorë.
