Kryetari i Partisë Demokratike të Kosovës, Memli Krasniqi ka reaguar pas ngjarjes së rëndë që ndodhi mesditën e së dielës në Gjilan, ku mbetën të vrarë tre persona.
“Ngjarja tragjike e sotme në Gjilan, ku u vranë tre persona, është një dhembje e madhe për të gjithë. Ky është një tjetër alarm për pasigurinë, kriminalitetin dhe fenomenet negative që po rriten vitet e fundit në Kosovë”, ka shkruar Krasniqi në Facebook.
Ai tutje ka thënë se institucionet duhet të veprojnë shpejt për t’i sjellë akterët para drejtësisë, por edhe për të rikthyer sigurinë dhe besimin e qytetarëve, teksa i ka shprehur ngushëllimet më të sinqerta familjeve të viktimave.
