Kjo u pasua nga tre tërmete pak më të dobëta, dhe sipas informacioneve, pati të lënduar dhe disa ndërtesa u shembën.
Presidenti turk, Recep Tayyip Erdogan, u shprehu ngushëllimet e tij të gjithë personave të prekur nga tërmeti, duke thënë se do t’i monitorojë nga afër pasojat e tij.Kryetari i bashkisë së Sındırgıas, Serkan Sak, tha se, sipas informacionit aktual, 10 ndërtesa janë shembur.“Katër persona u shpëtuan nga vendi ku jetonin gjashtë persona në qendër, dhe kërkimi për dy të tjerë po vazhdon. Nuk kemi informacione për humbje jetësh”, tha Sak.Mediat lokale raportojnë se pothuajse të gjitha shtëpitë në fshatrat Alagır, Kızılgur dhe Golcuk u dëmtuan rëndë, me oxhaqe dhe minare të shkatërruara. Çarje janë të dukshme në muret e shtëpive.Në video, ekipet e shpëtimit dhe qytetarët mund të shihen duke shpëtuar vendasit nga ndërtesat e shembura në disa vende.
