NË VULKANIN Etna këtë mëngjes, u hap një çarje e re nga e cila rrjedh lavë, në një lartësi prej 3,000 metrash në anën jugore të kraterit Bocca Nuova. Ky informacion u konfirmua nga Instituti Kombëtar i Gjeofizikës dhe Vullkanologjisë (INGV), stafi i të cilit në terren kryen matje dhe monitoron situatën. Sipas të dhënave të para, rrjedha e lavës po lëviz në drejtim të jugut, shkruan Corriere della Sera .
Nga ana sizmologjike, deri më tani nuk janë regjistruar ndryshime të rëndësishme. Burimi i dridhjeve vullkanike ndodhet në një lartësi prej 2,800 metrash, midis kraterit Voragine dhe kraterit Verilindor, dhe ende nuk ka rritje të aktivitetit të infratingujve.
Lajmi i mirë është se nuk ka emetime të hirit vullkanik, prandaj aeroporti i Katanias vazhdon të funksionojë normalisht. Pavarësisht kësaj, është shpallur një nivel alarmi portokalli për trafikun ajror si masë paraprake. Ekspertët vazhdojnë ta monitorojnë nga afër situatën.
