Sipas tij, ai e bëri këtë kur situata doli jashtë kontrollit, por se shumë shpejt do ta vinte nën kontroll, siç bëri në kufirin jugor të Shteteve të Bashkuara.
Në urdhër, Trump deklaron se “dhuna në rritje në kryeqytet tani rrezikon urgjentisht nëpunësit publikë, qytetarët dhe turistët, prish transportin e sigurt dhe funksionimin e duhur të qeverisë federale”.
Ai beson se niveli i krimit në Uashington është aq i lartë sa është e nevojshme që qeveria federale të reagojë.
Gjithashtu thuhet se Trump “do të informohet rregullisht nga Prokurori i Përgjithshëm për statusin e kushteve të veçanta të një natyre të jashtëzakonshme që ekzistojnë në Distriktin e Kolumbias, të cilat kërkojnë përdorimin e Policisë Metropolitane për qëllime federale”.
“Shkalla e krizës së krimit të dhunshëm e rendit Distriktin e Kolumbias ndër juridiksionet më të dhunshme në Shtetet e Bashkuara”, thuhej në urdhrin ekzekutiv të Trump.
Prandaj, ai shpalli gjendje të jashtëzakonshme në këtë qytet. Nuk ka ndodhur kurrë më parë që një president të marrë kontroll të drejtpërdrejtë mbi policinë.
Megjithatë, siç raportoi CNN, nuk dihet nëse Trump i ka informuar të gjithë ata që duhej të informonte se do ta bënte këtë.
