Oficerët tanë panë grafite në shtëpinë ku u gjetën trupat e dy personave mbrëmë. Hetuesit tanë po përpiqen të përcaktojnë nëse këto grafite janë të lidhura disi me vrasjet”, tha policia.
Një grua shtatzënë me origjinë nga Ballkani u gjet e vdekur mbrëmë në një shtëpi në Melbourne, dhe pranë trupit të saj, policia gjeti kokën e prerë të burrit të saj, të ngulur në një hu.
Athena Georgopoulos , 39 vjeç, dhe partneri i saj, 50 vjeç, emri i të cilit nuk bëhet i ditur, u gjetën të vdekur në orën 22:00 të mbrëmjes së kaluar, tha policia, duke shtuar se kishin njoftuar anëtarët e familjes së ngushtë.
Një burrë (34) që po shëtiste dy qen të mëdhenj u arrestua shpejt në stacionin hekurudhor në Clayton. Ai u kap rreth orës 2 të mëngjesit me një bluzë të përgjakur dhe duke ecur zbathur.
Mediat shkruajnë se Athena ishte 5 muajshe shtatzënë. Sipas tyre, vrasësi ia preu kokën partnerit të saj dhe e shpoi me shpatë. Në shtëpinë ku u gjetën trupat u gjetën grafite “karma nuk është menu” dhe “mishi është vrasje”.
Policia gjeti edhe fjalë të tjera të shkruara me sprej, të tilla si “dalje”, “e paparashikueshme”, “e pashmangshme”.
“Oficerët tanë panë grafite në shtëpinë ku u gjetën trupat e dy personave mbrëmë. Hetuesit tanë po përpiqen të përcaktojnë nëse këto grafite janë të lidhura disi me vrasjet “, tha policia.
Një numër i madh oficerësh të mjekësisë ligjore u panë sot jashtë shtëpisë së tmerreve, duke mbledhur prova. Raportet e medias thonë se një grua grisi shiritin e policisë për të hyrë me forcë në shtëpi. Besohet të jetë nëna e Athenës së vrarë.
Një burim policor tha se burri, i cili u arrestua në stacion gjatë natës i mbuluar në gjak, e kishte njohur më parë çiftin e vrarë.
“Policia mori një telefonatë rreth orës 9:20 të mëngjesit sepse dëgjuan një zhurmë nga shtëpia “, tha burimi.
Një telefonatë e dytë erdhi pak më vonë, pas së cilës patrullat mbërritën në adresë dhe gjetën trupat e pajetë të një burri dhe një gruaje.
Deri më tani, askush nuk është akuzuar për ndonjë krim.
Policia po përpiqet të përcaktojë saktësisht se çfarë ka ndodhur dhe po u bën thirrje të gjithëve.
