Një pjesëtar i Ushtrisë Malazeze u vra dhe një tjetër pësoi lëndime të rënda gjatë shuarjes së një zjarri në zonën e Kuçës – njoftoi Ministria e Mbrojtjes.
Incidenti ndodhi kur cisterna e ujit që ata po drejtonin u përmbys.
“Ushtria malazeze, në bashkëpunim me autoritetet kompetente, po kryen një hetim për të përcaktuar shkaqet dhe rrethanat e aksidentit. Shefi i Shtabit të Përgjithshëm të Ushtrisë malazeze, gjeneral brigade Miodrag Vuksanoviq, pasi mësoi për aksidentin, mbërriti në vendngjarje”, thuhet në deklaratë.
Ata shtojnë se publiku do të njoftohet për çdo informacion të mëtejshëm me kohë.
