Policia e Kosovës po kërkon ndihmën e qytetarëve për lokalizimin dhe arrestimin e Xhemail (Bajram) Nuhiu, i dyshuar për një vrasje të ndodhur mbrëmë në Hajvali. Sipas njoftimit të Njësitit të Hetimeve të Përgjithshme në kuadër të Drejtorisë Rajonale të Policisë në Prishtinë, i dyshuari ndodhet në arrati.
Policia apelon qëkushdo që ka informacione rreth vendndodhjes së tij të kontaktojë menjëherë policinë.
Hetimet po zhvillohen me autorizim të Prokurorisë kompetente, ndërsa autoritetet garantojnë anonimitetin e plotë për çdo qytetar që ofron informacione.
