Presidenti ukrainas Volodymyr Zelensky u ka thënë aleatëve evropianë se është i hapur për t’i dhënë fund armiqësive dhe për ceshtjen e territoreve që janë tashmë nën kontrollin rus, raporton The Daily Telegraph.
Në të njëjtën kohë, Zelensky, i cili zhvilloi bisedime me udhëheqësit evropianë përpara takimit të planifikuar të presidentëve rusë dhe amerikanë në Alaska, theksoi se Ukraina nuk do të pranojë asnjë propozim nga Trump nëse ai përfshin heqjen dorë nga kontrolli mbi ndonjë territor tjetër.
Ky qëndrim, shkruan The Daily Telegraph, do të thotë që Ukraina pranon të ngrijë vijën e frontit. Në të njëjtën kohë, Zelensky, sipas burimeve të botimit, mbështetet në garanci të besueshme në formën e furnizimeve me armë dhe një rrugë drejt anëtarësimit në NATO.
Takimi i presidentëve të SHBA-së dhe Rusisë, Donald Trump dhe Vladimir Putin, është planifikuar të zhvillohet në Alaska më 15 gusht. Sipas WSJ, presidenti rus njoftoi se do të binte dakord për një armëpushim në këmbim të dhënies nga Ukraina të një të tretës së rajonit të Donetskut Rusisë, i cili mbetet nën kontrollin e Kievit. Zelensky tha se Ukraina nuk do t’ia “dhurojë tokën e saj” Rusisë. Zyrtarët evropianë, nga ana tjetër, i thanë WSJ se nëse Ukraina ia dorëzon të gjithë rajonin e Donetskut Rusisë, pala ruse do të duhet të tërheqë trupat nga pjesët e pushtuara të rajoneve Zaporizhia dhe Kherson.
