Kandidati për kryetar të Prishtinës nga Partia Demokratike e Kosovës (PDK), Uran Ismaili, ka prezantuar listën zyrtare të 56 kandidatëve për Kuvendin Komunale të Prishtinës
Lista përbëhet nga profesionistë, arkitektë, urbanistë dhe qytetarë aktivë nga lagje të ndryshme të kryeqytetit, të cilët njohin nga afër sfidat e qytetit dhe kanë dëshirë për të kontribuar në përmirësimin e qeverisjes lokale.
Në këtë listë, mbi 40% e kandidatëve janë gra, ndërsa 70% garojnë për herë të parë, duke sjellë energji të re dhe përfaqësim të gjerë nga Velania, Ulpiana, Dardania, Arbëria, Bregu i Diellit, Kodra e Trimave, Kolovica dhe Hajvalia.
Uran Ismaili u shpreh se ky ekip do të përfaqësojë qytetarët në mënyrë të ndershme dhe do të punojë për ta bërë Prishtinën një qytet funksional dhe të jetueshëm.
Ai ftoi qytetarët që ta përkrahin këtë listë, e cila, sipas tij, pasqyron aspiratat e qytetit për katër vitet e ardhshme.
