Policia e Dubait ka parandaluar vjedhjen e një diamanti rozë jashtëzakonisht të rrallë me vlerë 25 milionë dollarë në Operacionin “Diamanti Rozë” dhe gjithashtu ka penguar një plan të kriminelëve për ta kontrabanduar atë jashtë vendit.
Ky veprim çoi në arrestimin e një bande që kishte planifikuar për më shumë se një vit të vidhte një diamant të rrallë, të certifikuar nga një institut kryesor dhe që kishte një vlerësim unik të qartësisë me vetëm 0.01 përqind shanse për të gjetur një tjetër të ngjashëm.
Sipas policisë, tregtari importoi një diamant nga një vend evropian për ta shitur në Dubai dhe hapat e tij u ndoqën nga kjo bandë, e cila ia vodhi diamantin në hotel.
Pasi u raportua vjedhja, u formua menjëherë një grup pune i specializuar për të identifikuar dhe gjetur tre të dyshuarit. Ata jetonin së bashku, por pas grabitjes, u ndanë dhe u zhvendosën në vende të ndryshme.
Ekipet e Policisë së Dubait bastisën njëkohësisht këto vende, arrestuan të dyshuarit dhe e rikuperuan diamantin përpara se të largohej nga vendi.
“Për habinë time, pikërisht të nesërmen në mëngjes ata telefonuan dhe thanë se të dyshuarit ishin arrestuar dhe diamanti ishte gjetur”, tha ai.
