Administrata e Presidentit të SHBA-së, Donald Trump, vendosi sanksione ndaj një gjyqtari kanadez të Gjykatës Ndërkombëtare Penale, ndërsa Departamenti i Shtetit i SHBA-së vazhdon kundërshtimin e tij ndaj kësaj gjykate, raporton CBC kanadeze .
Departamenti i Shtetit thotë se Kimberly Prost nga Kanadaja është sanksionuar për vendimin e saj për të autorizuar një hetim të Gjykatës Ndërkombëtare Penale mbi personelin amerikan në Afganistan.
Anëtarë të tjerë të Gjykatës Ndërkombëtare Penale nga Franca, Fixhi dhe Senegali janë sanksionuar gjithashtu, në lidhje me hetimin e gjykatës mbi veprimet e Izraelit në Rripin e Gazës dhe Bregun Perëndimor.
Prost i bashkohet një liste në rritje të gjyqtarëve të Gjykatës Ndërkombëtare Penale të cilëve u janë dhënë masa të ngjashme.
Departamenti i Shtetit pretendon se gjykata ndërkombëtare është “një kërcënim për sigurinë kombëtare që është bërë një instrument i luftës ligjore kundër Shteteve të Bashkuara të Amerikës dhe aleatit tonë të ngushtë, Izraelit”.
Gjykata Ndërkombëtare Penale më parë i ka dënuar veprimet e administratës Trump, duke i quajtur ato një përpjekje për të minuar pavarësinë e institucionit gjyqësor ndërkombëtar.
