Të paktën 18 persona u vranë dhe më shumë se 40 të tjerë u plagosën dje pas dy sulmeve në Kolumbi, të cilat u atribuohen fraksioneve të ndryshme disidente të ish-grupit gueril FARC, thanë autoritetet.
Në Cali, qyteti i tretë më i populluar i vendit, një kamion-bombë shpërtheu pranë një baze ajrore kolumbiane, duke vrarë gjashtë persona dhe duke plagosur 71 të tjerë, tha zyra e kryetarit të bashkisë.
Disa orë më parë, një helikopter Black Hawk UH-60 i Policisë Kombëtare që merrte pjesë në një operacion për të shkatërruar të mbjellat e kokës u rrëzua në komunën e Amalfit, në departamentin e Antiokias, duke vrarë 12 policë.
Presidenti kolumbian Gustavo Petro fajësoi për sulmet fraksionet disidente të ish-grupit guerilas të Forcave të Armatosura Revolucionare të Kolumbisë (FARC), të cilat hodhën poshtë një marrëveshje paqeje të vitit 2016 për t’i dhënë fund një konflikti të brendshëm afatgjatë që ka vrarë më shumë se 450,000 njerëz.
