Zyra për Mbrojtje dhe Ndihmë të Viktimave (ZMDNV), që vepron në kuadër të Zyrës së Kryeprokurorit të Shtetit, ka trajtuar gjithsej 78 raste të reja gjatë periudhës kohore 15 deri më 22 gusht 2025 në nivel të Republikës së Kosovës.
Sipas të dhënave zyrtare, nga numri total i rasteve:
73 raste lidhen me dhunë në familje;
2 raste për dhunim;
1 rast për ngacmim seksual;
1 rast për sulm seksual;
1 rast për lëndim të lehtë trupor.
Po ashtu, janë ndërmarrë veprime ligjore dhe institucionale për mbrojtjen e viktimave, përfshirë:
20 kërkesa për Urdhër Mbrojtje (UM) të parashtruara në gjykatë;
13 kërkesa për Urdhër Mbrojtje Emergjente (UME);
1 kërkesë për vazhdim të UM-së nga pala;
1 kërkesë për ndryshim të UM-së nga pala.
Përveç kësaj, janë shqiptuar:
18 aktvendime të aprovuara;
2 aktvendime të refuzuara;
8 aktgjykime dënuese;
1 aktgjykim refuzues;
1 vendim për kompensim të viktimave;
1 kërkesë për kompensim nga fondi për viktima;
1 deklaratë mbi dëmin.
Zyra ka marrë pjesë gjithashtu në:
25 seanca gjyqësore;
21 seanca në prokurori;
78 këshilla juridike;
2 raste të përfaqësimit në polici;
3 raste të referimit të rastit në ANJF (Autoriteti Nacional për të Drejtat e Fëmijëve);
3 përfaqësime të rastit në QPS (Qendra për Punë Sociale).
Zyra për Mbrojtje dhe Ndihmë të Viktimave vazhdon të jetë e përkushtuar në ofrimin e mbështetjes ligjore, psikologjike dhe institucionale për të gjitha viktimat e krimit, me qëllim të fuqizimit të tyre dhe garantimit të mbrojtjes së të drejtave të tyre në përputhje me legjislacionin në fuqi.
