Presidenti i FIFA-s, Gianni Infantino, i dhuroi Donald Trump biletën e parë për në finalen e Kupës së Botës 2026, e cila do të zhvillohet në New York.
“Është fantastike”, thotë presidenti.
Shorti për Kupën e Botës do të mbahet më 5 dhjetor në Qendrën Kennedy në Uashington.
“Ky është një nder i madh”, tha Donald Trump nga Shtëpia e Bardhë, i shoqëruar nga Presidenti i FIFA-s, Gianni Infantino. “Secila prej ndeshjeve do të jetë si një Super Bowl; do të jetë ngjarja më e madhe dhe më komplekse në historinë e sportit”, shtoi presidenti amerikan, duke vënë në dukje se Kupa e Botës do të gjenerojë 30 miliardë dollarë për ekonominë amerikane.
