Pesë pasagjerë u vranë dhe dhjetëra të tjerë u plagosën të premten kur një autobus turistik u përmbys në një autostradë në veri të shtetit të Nju Jorkut.
Autobusi mbante rreth 50 turistë që ktheheshin nga Ujëvarat e Niagarës, shumica prej tyre me origjinë indiane, filipinase ose kineze, tha policia shtetërore. Midis tyre kishte edhe fëmijë.
Aksidenti ndodhi pranë Buffalos, jo shumë larg kufirit kanadez.
“Shoferi u shpërqendrua nga diçka”
“Ne besojmë se shoferi u shpërqendrua nga diçka, humbi kontrollin dhe reagoi tepër përpara se të përfundonte në kanal”, tha zyrtari i Policisë së Shtetit të Nju Jorkut, Andre Ray, duke përjashtuar mundësinë e një defekti mekanik ose drejtimit nën ndikimin e drogës.
Shoferi nuk u lëndua në aksident.
21 pasagjerë u transportuan në një spital lokal, por asnjëri nuk ishte në gjendje të rrezikshme për jetën.
Sipas NBC, nuk kishte fëmijë midis të vdekurve.
