Kanë përfunduar tri ndeshjet e javës së dytë në elitën e futbollit kosovar.
Dukagjini është rikthyer të fitorja fuqishëm duke mundur Gjilanin, me rezultat 2-0, të dielën në Klinë.
Të besuarit të Ismet Munishit bënë paraqitje mjaft të mirë derisa golat për fitore i shënuan Pefqeli në minutën e 3-të dhe Iljas Zulifiu në minutën e 90-të.
Fitore tejet të rëndësishme ka shënuar Ferizaj që në udhëtim mundi Prishtinën e Re, me rezultat 1-0.
Ndërkaq, dueli mes Ballkanit dhe Malishevës u mbyll baras 1-1, derisa Prishtina sonte në ‘Fadil Vokrri’ sfidon Llapin.
