Sipas parashikimit të Institutit Hidrometeorologjik të Kosovës, mëngji do do të jetë i freskët ndërsa gjatë ditës temperaturat do të rriten gradualisht, duke arritur vlera tipike për stinën e verës.
“Moti do të jetë kryesisht me diell, me vranësira të shkurtra kalimtare dhe pa reshje të dukshme. Stabiliteti atmosferik do të shoqërohet me erëra të lehta, duke e bërë motin më të përballueshëm gjatë periudhave më të nxehta të ditës”, njofton IHMK.
Sipas parashikimeve, të hënën temperaturat minimale do të shënojnë rreth 9 gradë Celsius, ndërsa ato maksimale do të arrijnë deri në 27 gradë Celsius.
Këto kushte do të jenë të përshtatshme si për aktivitetet e përditshme, ashtu edhe për veprimtari rekreative në natyrë.
Instituti nënvizon se gjatë gjithë javës së ardhshme nuk priten ndryshime të mëdha atmosferike, që do të thotë se do të kemi një mot të qëndrueshëm dhe tipik veror.
