Të paktën tetë persona u vranë dhe rreth 43 të tjerë u plagosën pasi një kamion goditi një traktor që transportonte pelegrinë në shtetin verior indian të Uttar Pradesh më herët sot, tha policia indiane.
“Tre persona janë në gjendje kritike me ventilatorë”, tha shefi i policisë së distriktit Bulandsar, Dinesh Kumar Singh.
Dy nga të vdekurit ishin fëmijë, ndërsa 12 nga të plagosurit që u shtruan në spital ishin nën moshën 18 vjeç, tha policia.
Aksidenti ndodhi rreth orës 2:10 të mëngjesit, kur një kamion goditi një rimorkio, duke shkaktuar përmbysjen e saj, tha Kumar Singh.
“Rimorkioja transportonte 61 persona”
“Rimorkioja mbante 61 persona që po udhëtonin nga fshati Rafatpur në distriktin Kasganj drejt Jaharpeer në Rajasthan për pelegrinazh”, tha Singh. Ai tha se viktimat u dërguan në spitale, përfshirë një spital privat.
“Tetë persona kanë vdekur dhe 43 po marrin trajtim. Tre nga të plagosurit janë në ventilatorë”, shtoi Singh. Policia raportoi se dhjetë pasagjerë shpëtuan me lëndime të lehta, dhe nga 43 të plagosurit, 12 janë fëmijë.
