Ministrja në detyrë e Drejtësisë, Albulena Haxhiu, ka kritikuar opozitën për mungesë të vullnetit dhe guximit për të larguar përfaqësuesin e Listës Serbe nga Kryesia e Kuvendit, duke bërë thirrje që Nenad Rashiq të votohet si nënkryetar të enjten.
“Sot kishte mundësi që dita të përmbyllej me dy lajme të mira. Konstituimi i Kuvendit dhe largimi i përfaqësuesit të Listës Serbe nga Kryesia e Kuvendit. Por fatkeqësisht, opozita nuk pati as vullnetin dhe as guximin e nevojshëm”, shkroi ajo.
Ajo theksoi se shpreson që partitë opozitare të legjislaturës së kaluar të reflektojnë dhe Nenad Rashiq të votohet të enjten për nënkryetar të Kuvendit të Kosovës, dhe bëri thirrje për bashkim.
“Për vetëm gjashtë vota më shumë, z. Nenad Rashiq do të ishte zgjedhur nënkryetar i Kuvendit. Shpresoj që deri të enjten të ketë reflektim opozitar. Duke e ditur që kryeterroristi Milan Radoiçiq është kryetar formal i Listës serbe, le të përbashkohemi për Kosovën dhe sidomos për nder të heronjve tanë, si Enver Zymberi dhe Afrim Bunjaku”, përfundoi Haxhiu.
