Pas dorëheqjes së Liburn Aliut nga pozita e ministrit në detyrë të Infrastrukturës, kreu i kryeqytetit, Përparim Rama largimin e tij e ka quajtur humbje për institucionet.
Rama e ka falënderuar ish- ministrin Aliu për korrektësi që thotë se e tregoi karshi tij si kryetar kryeqyteti.
“Dua t’i shpreh mirënjohjen time më të thellë Liburn Aliut, për bashkëpunimin e shkëlqyer dhe korrektësinë që tregoi gjatë gjithë kohës sa ishte Ministër i Infrastrukturës në raport me mua si Kryetar i Kryeqytetit. Largimi i tij nga institucioni nuk është vetëm një humbje për institucionet, por për të gjithë ne që besojmë tek puna dhe idealet e larta të shërbimit publik. I uroj suksese në çdo hap të ri dhe e falënderoj nga zemra për kontributin e tij të çmuar në zhvillimin e Kryeqytetit dhe në forcimin e unitetit tonë qytetar dhe kombëtar”, ka shkruar Rama në Facebook.
Aliu dha dorëheqje nga pozita e ministrit në detyrë sot, për siç tha, si shkak i zgjedhjes së Dimal Bashës në krye të Kuvendit.
