Sot një zjarr ka përfshirë një deponi makinash në Hajvali, derisa pas ndërhyrjes së zjarrfikësve, zjarri është lokalizuar, ka bërë të ditur Drejtoria për Siguri dhe Emergjenca e komunës së Prishtinës.
Kjo drejtori thotë se ekipet emergjente të Kkryeqytetit, së bashku me Brigadën Profesionale të Zjarrfikësve, kanë ndërhyrë menjëherë në vendngjarje, derisa kanë thënë se deri tash nuk raportohet për të lënduar.
“Falë reagimit të shpejtë dhe koordinimit të mirë mes ekipeve në terren, flakët janë lokalizuar dhe është parandaluar përhapja e mëtejshme e zjarrit në zonat përreth. Deri më tani nuk raportohet për të lënduar, ndërsa dëmet materiale janë të konsiderueshme. Autoritetet kanë nisur hetimet për të zbuluar shkakun e zjarrit, ndërsa banorët pranë zonës janë këshilluar të shmangin lëvizjen në afërsi për shkak të tymit të dendur dhe rrezikut të mbetjeve të djegura”, thuhet në njoftimin që ka shpërndarë Drejtoria për Siguri dhe Emergjenca e komunës së Prishtinës.
